Best New Year Poetry in Urdu With Funny
Happy New Year Shayari in Urdu
Khuda kary k naya saal
Tery daaman min
Wo sary phool khila de
K jin ki khushboo ne
Tery khayal min
Shamein jalai rakhi thein
New Year Poem in Roman Urdu
Khushiyon Ka Ahwal Aya Hi...
Khushiyon ka ahwal aya hi
Aj apnoo ko apnoo ka khayal aya hi
Mubarak ho Dosto! Naya saal aya hi
Kab tak jio ge nafraton k saye min
Dil se piyar ka sawal aya hi
Mubarak ho Dosto! Naya saal aya hi
Bhula do shikway gilay adawat ka ziwal aya hi
Ban k khushi apnoo ka paigham laya hi
Mubarak ho Dosto! Naya saal aya hi
Hum to khuda se bhi khafa thy Faheem!
Laiken aaj mujh ko bhi mural aya hi
Mubarak ho Dosto! Naya saal aya hi
Naye Saal Ki Shayari
Pher naya saal, nai subh, nai umeeden Aye Khuda! khair ki khabar k ujalay rakhna Ab K Saal Kuch Aisa Kerna...
New Year Poem in Roman Urdu
Ab k saal kuch aisa kerna
Apny pechly barah mah k
Dukh sukh ka andaza kerna
Besri yadein taza kerna
Sada sa ik kaghaz le ker
Bholay besry pal likh lena
Apny saray kal likh lena
Pher us beetay ik ik pal ka
Apny guzray ik ik kal ka
Ik ik morr aehata kerna
Sary dost ikatha kerna
Sari subhein pass bulana
Sari shamein hazir rakhna
Pher mehtat qayas lagana
Gar to khushyan barh jati hin
To pher tum ko meri taraf se
Anay wala saal mubarak!
Aur agar ghum barh jaen to
Mat be-kaar takalluf kerna
Dekho pher tum aisa kerna
Meri khushiyan tum le lena
Mujh ko apny ghum de dena
"Ab k saal kuch aisa kerna"
Naye Saal Ki Shayari
Na koi ranj ka lamha kisi k pass aye
Khuda kary k naya saal sub ko raas aye
Aye Naye Saal Bata...
New Year Poem in Roman Urdu
Aye naye saal bata, tujh min naya pan kia hi
Har taraf khalq ne qion shor macha rakha hi
Roshni din ki wohi, taaron bhari raat wohi
Aj hum ko nazar aati hi, har aik baat wohi
Aasman badla hi afsos, na badli hi zameen
Aik hindsey ka badalna koi jiddat to nahi
Agley barson ki tarah honge qareeny tery
Kisy maloom nahi barah maheeny tery
Jan, Feb, aur Mar min parry gi sardi
Aur Apr, May, aur Jun min hogi garmi
Tera mann dahr min kuch khoey ga kuch paey ga
Apni meeyad basar ker k chala jae ga
Tu naya hi to dikha subh nai, sham nai
Warna in ankhon ne dekhy hin naye saal kai
Be-sabab log dety hin qion mubarak baden
Ghalban bhool gae waqt ki karrvi yaaden
Teri amad se ghati umar jahan se sub ki
Faiz ne likhi hi ye nazam niraley dhab ki
Naye Saal Ki Shayari
Aye kaash! ye naya saal khushion ki naveed laey
Iss mulk k her shahri ko ye saal raas aye
Na ho saneha koi ab, na ujjrey koi ghar
Naye saal ka her lamha, paigham-e-aman laye
Darkhashan Muqadar Naye Saal Min Ho...
New Year Poem in Roman Urdu
Darkhashan muqadar naye saal min ho
Har ik kaam behtar naye saal min ho
Naye saal min ho muhabbat ki barish
Koi dil na banjar naye saal min ho
Makan per kisi k na tootay qayamat
Koi bhi na be-ghar naye saal min ho
Sitam koi Kabul na Gujrat jaisa
Na giyara September naye saal min ho
Na firqa parasti kahin sar uthaey
Na pher six December naye saal min ho
Kadoorat ki kalak, ghubar-e-adawat
Kisi bhi na dil per naye saal min ho
Muhabbat Akhowat aur amn-o-aman ka
Alam sub se ooper naye saal min ho
Naye hosley hon, nai hon umangein
Naya jashn ghar ghar naye saal min ho
Chaman kia her ik dasht-o-sahra min ya Rab!
Baharon ka manzar naye saal min ho
Kren rashk ahl-e-falak hum pe Raghib!
Zamin itni sundar naye saal min ho
Naye Saal Ki Shayari
Naye saal min sub ko khushiyan Khuda de
Azaim naye aur naya hosla de
Gia saal jo daagh de ker gia hi
Dua hi naya saal un ko mita de
Aye Rab-e-Kul Tu Ye Janta Hi...
Happy New Year Shayari in Urdu
Ye saal bhi guzra hi
Tery piyar ki manid
Atay hoey kuch aur tha
Jatey hoey kuch aur
Chorr Gaye Puraney Saal Ki Tarah...
Chorr gaye puraney saal ki tarah
puraney yaar bhi
Ussy naya saal bhi mubarak
naye yaar bhi mubarak
Aao Mil Ker Kren Ye Dua Dono...
Aao mil ker kren ye Dua dono
Ab ke ye saal tera mera ho !!!
HAPPY NEW YEAR TO ALL !!!
We hope, you like New Year Shayari in Urdu and Roman Urdu. Please comment us below and also share this poetry with your friends and family on social media.
Happy New Year Shayari in Urdu | Naye Saal Ki Shayari | New Year Poems in Roman Urdu 
Reviewed by Make One Smile on December 06, 2018 Rating:
ashworthsiverprours.blogspot.com
Source: https://makeonesmile.blogspot.com/2018/12/happy-new-year-shayari-in-urdu-2019-naye-saal-ki-shayari-new-year-poems-in-roman-urdu.html
0 Response to "Best New Year Poetry in Urdu With Funny"
Enregistrer un commentaire